أدب .. صلاح عبدالصبور : لحن

أدب .. صلاح عبدالصبور : لحن

♥ على الحجار- هنخبى ليه♥.wmv

كثيرا ..لا استطيع التنفس ، لا اعلم .. ربما هنا تماما اشعر بثقل جاثم فوقي نعم هنا ايها الطبيب عند القلب في الظلام القلب يدق ..والاحساس يرقص والاصابع ترتجف مثل معزوفة خوف راقية، متناغمة .. الحواس سفاحة احساسي تتفتح وتتشعب لعناقي هل تخاف شيئا، ايها الطبيب .. لق هزمت مخاوفي ، بل امعنت في اذلالها .. ثم قتلتها لكن الخطأ الوحيد كان دفنها في قلبي مكان الاختناق والعشق,,, اشباحها تظهر في صورة ما احب من نحب هم نقطة الضعف الوحيدة ، هم القلق الشاخص في زهرة احيانا اتساءل ...من يستحق القتل اكثر ..من اكره ام من أحب من نعصيه ام من يعصينا...من يراقبنا ام من نرقبه وايهما ايهما اشد فتكا بأفكاري وملامحي كل يوم اعيش مع كائناتي الهالات السوداء التي تزداد كل يوم وانا مازلت في العشرينات من العمر تخيفني شراهة جمالي في المرآه ، في عين حبيبي ومن ثم قبحي في اليوم الذي يليه يخيفني الصغار الذين يتوحشون كل يوم واود لو اتحول في لحظة الى صورة جلاد كان يعذبني في الماضي يروقني غضبه ..كم كان القوي ، كم كنت الجريحة وددت لو نبدل الأماكن مرارا لكن لم يحدث ذلك ابدا انا وحبيبي ضائعان في فضاء دائرة دائرة في فضاء نختلق الزمن والوهم ومن ثم نحق في وجه بعضنا في ريبة يتهم كل منا الأخر بأنه غير موجود مشيت انت ومشيت بعيدا انا كل منا عالق في سيره وفي كهف طويل مغلق بين الزحام ..م

من مدة ،وانا عايزة أحكي وأنا عايزة أحكي ،، من مدة من مدة .. لا يستهان بأبعادها الزمنية الطول والعرض واللون من مدة ...وانااا .. عايزة ...احكي .. احكي يعني ...أشكي بكابورت قلبي ، الحكي ، الفضفضة ، الصوصوة الغطس اللي الواحد محتاج ياخده جوة نفسه في اوقات غريبة الغطس ده ..اللي نادرا ما يجي في حياة الواحد ويخرج منه اما بالقنابل المسيلة للدموع او بالحزن ..او بنفسه او... ميعرفش يخرج من الغطس ده خالص مالص ههه غطس طويل المدى احتياج معلش .. اعذروها ..جت عليها فترة كانت محتاجة تتكلم مع دكتور قلب وباطنة ، قالت لا ، ده انا محتاجة دكتور نفسي ، .. لا ..ده هي محتاجة محامي قالت لا ، ده انا محتاجة صديق ..اللي انتي محتاجاه "حبيب" حبيب؟ ...لا انا محتاجة أب او محتاجة ام لا ..محتاجة عيلة او محتاجة وحدة انتي محتاجة مستقبل ليه مكونش جواه وبحن للماضي طيب ...ها اتكلمي محتاجة اتكلم وحد ماسك لسانك انا اتكلمت فعلا ...بس كأني مقلتش شيء كل مرة بقول ..هو ده اللي هيفهمني .. فجأتن بحس في عز الكلام ان حد فينا بيختفي عن التاني حد مش على نفس وتيرة الاحساس الاحاسيس زنزانة مفتوحة وسجانها هو الناس كل واحد اسير احساس نفسه الخاص حتى لو حكيت ...انا عرضة للنفي او التجاهل او الفهم الغلط او عدم تقدير هول الموقف ياللهول تعرفي .. اتكلمت مع ناس كتيرة كل مرة بتأكد اني بدور على حد بيفهم ..بيفهم اوي بيفهم كل شىء من غير مااحتاج اتكلم ويوصل للقلب بسرعة ، قبل ما يتحول ألم الإحتياج لإجتياح ألم

باهتة مع الأشياء انا الساطعة وحدي دروبي تسري في مفارق الزمن عنادي ممتد الأمل أرحل فتغمض الدنيا أقبل فيهرب المحال انا فوق الأشياء حولي طاف النساك وتبدد الغياب وخفق السديم في صدر الفراغ كم أحببت لوني فلا يلزمني التبرج كم من مرة تبعتني الظلال وذابت خلف خطوي الثلوج انا احرر السجون من ذنب دمعة محتجبة اطلق الارواح من علب الألوان كل يوم ويتقطر الندى انا شمس ذاتي .. انا شمس الآتي انا الشمس

صورة جسمك هي الشيء العالق في مراودات افكاري .. الجزء الأسفل "رجولتك" عليه دايرة الضوء والباقي مش باين له غير العتمة والضباب . _ يمكن ابتديت أنساك ، وانجذابي بيشبع،، و بتمادى في خسارة جسمك عضو ف عضو _ يمكن ... عمري ما حبيتك في يوم كلامك مش فاكراه عيونك اتحجرت في ذكرياتي ونارنا الحلوة المراهقة خنقها الوأد تحت وحل الشك والإجحاف . انا وانت سيبنا نارنا في ضهرنا وفي اليومين اللي قضيناهم سوا وكل اللذة بقت : "شيبة رماد" عل تل هموم يعني البركان فاض غليانه .واتجمد ويعني فاتت عليه وعلينا نسمة حياة لونها أبيض وراق بالك وبالي لدرجة التجاهل ثم الجهل يمكن ببساطة حبك كان شراهة في احساسي ترجمة حرفية للجسد، فوضى غير مفهومة وبعثرة معاك مكنتش بفهم ولا كان مهم أفهم معاني معاك كنت بحس ...واشم وادوق وافرق واتفاجىء واتعرف نتعرف على الأسماء والمقدمات ومش مهم نقطفها من شجرة المعرفة .. مكناش عايزين نشوف او نعرف او يلسعنا فوقان الواقع مكنش يلزم نعقل .. وقت لما نسكر ببعض الحكمة والمنطق والتفكير كانوا أعداء الوصل الشروحات والمواضيع والفلسفة كانوا مضادات الحب اللي أدمنا عليه مكنش حتى الخصام بيبعدنا ...الخصام بيبعد المتمنطقين واهل العناد كان ممكن نعشق بجنون واحنا زعلانين ..نتلامس مع ان فيه هجر مكنش منطقي وعشان كدا كان جميل ليه دلوقتي عقلت ونورت الدنيا علينا عارف نفسي في ايه نفسي في غفوة صغيرة نفسي في نوبة جنون او حتى قصيدة تخلينا ننام من تاني في حضن بعض من تاني أو حتى تخلينا نتخاصم

اكرهنى كما تشاء ،لكن دعنى احبك كما اريد ( الكاتب محمد على ابراهيم )